ملتان میں میٹرو بس پراجیکٹ میں کرپشن کے حوالے سے نیب نے بڑی کارروائی کرتے ہوئے 6 افسران کو گرفتار کر لیاہے۔
نیب ترجمان کے مطابق نیب کی آٹھ رکنی ٹیم نے ایم ڈی اے آفس پر چھاپہ مارا اور ڈائریکٹر انجینئرنگ نذیر چغتائی، ایکسئین رانا ، وسیم اور سب انجینئر منظور کو ایم ڈی اے دفتر سے گرفتار کرلیا تاہم منعم سعید سمیت 3 افراد کو لاہور سے گرفتار کیا گیا ہے۔
نیب ٹیم نے ملزمان سے لیپ ٹاپ سمیت دیگر دستاویزات بھی قبضہ میں لے لیں اور مزید کارروائی شروع کر دی ہیں ۔
واضح رہے کہ ملتان میٹرو بس پراجیکٹ میں مبینہ کرپشن کے باعث نیب تحقیقات کر رہی ہے اور اب تک 10 سے زائد افراد گرفتار کر لئے گئے ہیں۔
